Námskeið | Workshops

Námskeið í ýmsu handverki og hönnun. Svo sem kransagerð, myndsturgerð, textílþrykki, jurtalitun á eggjum, litafræði, harðangri og klaustri, ofl. ofl.

(EN) Short workshops in various fields of design and craft; wreath making, pattern making, silk screen printing, color theory, natural dyeing of eggs, Hardanger embroidery and more.

Næstu námskeið / next workshops

Upplýsingar um næstu námskeið má nálgast á viðburðarsíðunni. Eins má hafa samband til spyrjast fyrir eða óska sérstaklega eftir námskeiði fyrir sérstakan hóp/a.

(EN) Information on dates for upcoming workshops can be found on the event page. You can also contact us to get further information.

Verð / price

Skipulögð námskeið með 5-10 þátttakendum kosta 3300 kr/klst fyrir hvern þátttakanda. Á lengri námskeiðum eru einfalldar veitingar í kaffi hléum eru innifalin í verði nema annað sé tekið fram í námskeiðslýsingu. Önnur verð eiga við þegar efniviður er innifalinn.

(EN) Workshops for 5-10 participants costs 3300 kr per hour per participant. Teaching materials and simlpe refreshments are incluted except otherwise specified in the workshop description. When the material is included in the price the fee is a bit higher.

 
 

Kransagerð | Wrealth making

Kransagerð er andlega nærandi og veitir hugarró. Boðið er upp á þrjár gerðir kransanámskeiða, stutt smákransanámskeið, jólakransanámskeið og lengri haustkransanámskeið. Næstu námskeið eru auglýst á viðburðar síðunni.

Smákransa námskeiðið tekur aðeins eitt kvöld og eru nokkur slík haldin að vori og hausti. Miðað er við að gera litla einfalda kransa þar sem lögð er áhersla á að þátttakendur nái góðum tökum á tækninni og verði allir vegir færir í framhaldinu með stærri og flóknari verkefni. Efniviðurinn fer eftir því hvað er tiltækt í nátturunni hverju sinni. Námskeiðið miðast við 3-4 þátttakendur og taka 2 og hálfa klst. Efniviður er oftast innifalin í verði nema annað sé tekið fram. 

Jólakransa námskeiðið einn sunnudag og eru nokkur slík í boði í nóvember. Námskeiðið miðast við 4-6 þáttakendur og tekur 4 klst. Miðað er við að þátttakendur komi með efniviðinn með sér. 

Kennt verður að gera jólakrans sem gæti verið notaður sem útihurðarkrans eða sem aðventukrans með kertum. Farið verður yfir mismunandi útfærslur á krönsum og ýmislegt sem tengist kransagerð óbeint.

Léttar veitingar eru innifalddar í námskeiðinu.

Þátttakendur leggja til: eigin efnivið í krans; greni eða furu, basthring, blómavír, garðaklippur, köngla, annað skraut og jólaskapið. Límbyssu má einnig nota ef þátttakandi vill.

Haustkransa námskeiðið er haldið tvo sunnudaga í september með tveggja vikna millibili. Samtals 6 klst. Það miðast við 8-12 þátttakendur og fara fram ef næg þátttaka fæst.

Fyrri sunnudaginn í byrjun september er 2 klst sýnikennsla úti í náttúru Heiðmerkur um hvaða jurtir henta best í kransagerð og annað sem þarf til að binda haustkrans. Ýmislegt ber að hafa í huga við söfnun jurtanna, ekki síst hvað varðar góða umgengni við náttúruna. Næstu tvær vikur safna þáttakendur síðan sjálfir jurtum fram að þeim degi sem sjálf kransagerðin fer fram (4klst).

Hver og einn þátttakandi mun binda sinn eiginn krans úr sínum eigin efnivið. Á námskeiðinu mun vera farið yfir hvað þarf að hafa í huga áður en byrjað er að binda kransinn.  Meðal annars grunnatriði í litafræði og ýmislegt sem nýtist vel við gerð kransanna. Farið verður yfir mismunandi útfærslur á krönsum og ýmislegt sem tengist kransagerð óbeint.

Innifalið í námskeiðinu: Námsefni sem þátttakendur geta nýtt sér við öflun jurta og til upprifjunar ár eftir ár. Léttar veitingar seinni dag námskeiðsins .

Þátttakendur leggja til: eigin efnivið í krans; jurtir, basthring, vír, garðaklippur,  lakk og góða skapið.

(EN) Information in english can be requested by e-mail.

 

Mynsturgerð | Pattern making

Miðast við 5-12 þátttakendur eftir því hvernig námskeiðinu er hagað. Færri pláss eru á tölvunámskeiðinu en fleiri ef mynsturgerðin fer fram í höndunum. Námskeiðið tekur frá 4-17 klst. eftir þörfum hvers hóps. Námskeiðin eru jafnt fyrir byrjendur og lengra komna t.d. textílmenntað fólk sem vill bæta tölvuþekkingu sína í mynsturgerð.

Kennd verða; símynsturgerð bæði regluleg og hvernig hægt er að láta óregluleg mynstur endurtaka sig án þess að skilin sjáist. Hver þátttakandi fer heim með mynstur sem hann hefur sjálfur hannað. Form þess fer síðan eftir áhugasviði og tölvukunnáttu hópsins sem sækir námskeiðið. Rafrænt skjal, stensill eða glæra. Rafræn skjöl er hægt að nota á heimasíður, prenta út eða senda í prentsmiðju (textíl, pappír, veggfóður…). Stensil er hægt að nota til að stensla á veggi eða textíl. Glæru er hægt að nota til að búa til silkiþrykkramma eða lýsa beint á efni með ljósnæmum lit. Hugsanlega passar mynstrið í útsaum, útskurð eða annað handverk.

Óskir hvers hóps ráða því hvort kennt verður bæði eða annað hvort að gera mynstrin í tölvu eða í höndunum. Við tölvuvinnslu er hægt að nota Gimp sem er einfallt ókeypis foriteða forit eins og Photoshop og Illustrator.

(EN) Information in english can be requested by e-mail.

 

Textílþrykk | Textile printing

Námskeiðið miðast við 3-12 þátttakendur og fer fram eftir eftirspurn. Námskeiðið tekur frá 3-17 klst. eftir þörfum hvers hóps. Prentað er með vatnsleysanlegum textíllit sem síðan er straujaður fastur þannig að hann verður þvottaekta.

Á örnámskeiðum (3 klst) verður kennd einfaldasta gerð af silkiprenti þar sem stenslar eru skornir út í papír eða bókaplast og prentað með þeim í gegnum silkiprentramma á textil. Lengri námskeið miða við að hver og einn lýsi mynstri eða mynd á ramma til að þrykkja með. En það gefur möguleika á fjölbreyttari tegundum af myndum / mynstrum.

Þátttakendur koma sjálfir með efni til að prenta á, textílliti og þrykkramma (nema á örnámskeiðum).

(EN) Information in english can be requested by e-mail.

 

Jurtalitun eggja | Coloured eggs

Notast verður við ýmislegt grænmeti og krydd til að búa til litunarbað sem notuð eru til að heillita hænuegg. Eggin eru ekki máluð heldur látin liggja í mismunandi jurtalitunarlegi sem er útbúinn á námskeiðinu. Mynstur eru fengin með blúndum, stráum, hrísgrjónum og laufblöðum. 

Þátttakendur þurfa sjálfir að koma með egg, krukkur og gamla nælonsokka og blúndur.

Námskeið miðast við 5-10 þátttakendur og fer fram ef næg þátttaka fæst. Það tekur samtals 5 klst og skiptist á tvo daga í röð (t.d.3 og hálf klst á laugardegi og 1 og hálf klst. á sunnudegi).

Næsta námskeið áætlað 1. og 2. apríl 2017 ef næg þátttaka næst.

(EN) Information in english can be requested by e-mail.